ئەڤ نڤێسیە دێ پشکەک بیت وەکو تەمامکەرا بابەتێن بووری، کو دێ بیتە تەوەرێ ڤێ ڤەکۆلینێ بۆ پتر ڕۆنکرنێ ل ئەڤان لاپەڕێن نووی دا ڤەکەین، و داکۆکیێ بێخینە سەر چاوانیا بکارئینانا شاشەیێن ئەڤان تۆڕان. هەر ئێکسەر وێ پرسیارێ ژ خۆ بکەین: کا مە چ مفا ژ ئەڤان تۆڕان دیتییە؟ بۆچی توڤێ زەڤیا مە هەردەم یێ خڕش و ب زیانە؟

فەرە باشتر تیشکا وێ ڕەوانبێژیێ بەردەینە ناڤ ڕەهەندێن بازارێن پەیوەندییا جڤاکی و ئەوان پرسگرێکان ئێک ئێکە چارە بکەین. ب هزرەکا نوو سەردەمی بڤەژینین، کاری بۆ داهاتەکێ باشتر د هەموو بیاڤ و سێکتەرێن ژیانێ ڤە بەرەڤ پێشڤە ببەین. دگەل پێشکەفتنا وان میکانیزم و ئالاڤێن ئەڤرۆ د هەر بوارەکی دا وەڕارکری، هاژۆتنا کاروانێ وێ بلا یێ بەردەوام بیت و دگەل هەر دۆرهێلەکی بگونجیت.

ئەرکێ رووشەنبیری و ئەتەکێتێن بەکارهێنانێ

پێدڤی ب پێشئێخستنا بزاڤێن زانستی نە؛ فەرە پێنووسێن خۆ یێن مەعریفی پتر کارسەر بکەین، ب ڕۆلێ خۆ یێ کارا ڕاببین و ئەتەکێتێن باشتر و ژهەژیتر پێشکێشی کارپێکەرێن ئەڤان سایتێن کۆمەڵایەتی بکەین. ب ڕەفتارێن جوان، سەنگا تەرازووا وێ فەرهەنگێ دەولەمەندتر لێ بکەین و شرۆڤەیا کار، شیان و ڕەوشتێن جوان تێدا پێناسە بکەین.

نابیت ئەم ب کلیلا دەرگەهێ دەستێ چەپێ، سەر دەرگەهێ دەستێ ڕاستێ دابێخین، یان شەهدەیێ ب تێکەڵکرنا ڕەنگان بکەین کا چاوا ڕەشی سپی دکەین و سپی ڕەش دکەین! پێنەڤێت ئەڤە ئەرکێ هەموو تەخ و چینێن جودا یێن جڤاکی نە کو ب بەرپرسایەتییا کەلتۆری و سنۆرێن جڤاکی کار بکەن.