ل ١٩٨٨/٨/٨ خومەینی پەرداغا ژەهرێ ڤەخار و سەدامی سەرکەفتنا مەزن راگەیاند. ل هەشتی تەباخێ ١٩٨٨ ئیران و عێراق رازی بوون شەری براوەستینن و ٢٠ی تەباخێ رێکەفتن کەفته د بوارێ جێبەجێکرنێ دا، و شەر ئێک جاری هاته راوەستاندن پشتی هەشت سالێن شەرێ دژوار، کو پتر ژ ملیون لەشکەرێ عیراق و ئیرانێ هاتینه کوشتن و ب دەیان باژێر و گوند وێران و خرابکرین و دەیان هزار ئێخسیر ژ هەردوو لایا کەفتینه د زیندانێن عێراقێ و ئیرانێ دا هەمی جورێن چەکی یێن وی سه ردەمی هاتن بکارئینان هەتا چەکێ قەدەغەکری ژی هات بکارئینان وەک (کیمیاوی و غازا غەردەل ).

خومەینێ گوت: «رازی بوونا من لسەر رێکەفتنێ هەر وەکو ئەز پەرداغەکا ژەهرێ ڤەخوم.»

سەدامی لسەر رێکەفتنێ گوت: «ئەڤه سەرکەفتنا مەزنه بو من و گەلێ عێراقێ.»

ئیرانێ ناڤێ شەری کربوو شەرێ (بەرگریا قودسێ)، عێراقێ ناڤێ شەری کربوو شەرێ (قادسیێ). پشتی خوسارەتێن مەزن هەتا نوکه کەس نزانیت کا لسەر چ پێکهاتبوون ژ بلی خوسارەتا هەردوولا و بێ ئەنجام.

کاريگەرییا شەڕی ل سەر گەلێ کورد

راوەستاندانا شەری نە د بەرژەوەندیا کوردان دا بوو، ئێکسەر پشتی شەری ل ٢٥ی تەباخێ رژیما عێراقێ سێ چوار فرقێن لەشکەری پرچەکرن و هێرش کرنه کوردستانێ، و ناڤێ وێ هێرشێ کرە (ئه نفال)، و دەست ب سوتنا گوند و کومەلگەھ و سوتنا چیا و ئاقارێت گونداکرن، کو بو ئەگەرێ کوشت و بەرزەکرنا پتر ژ ١٨٢هزار مروڤێن بێ گونەھ.