بوھار ئامێدیێ؛ ناڤەکێ زێڕین د جیهانا رۆبۆتیک و داهێنانێن تەکنەلۆژی دا ل عێراق و کوردستانێ

د قۆناغەکێ دا کو جیهان بەرەڤ ڤەگوهاستنا دیجیتالێ پێنگاڤان دهاڤێژیت، ل سەر ئاستێ عێراقێ و هەرێما کوردستانێ، ناڤێ "بوھار ئامێدیێ" وەک ئێک ژ ژنێن هەرە کارتێکەر د وارێ تەکنەلۆژیایا پەروەردەیی و ڕۆبۆتیکێ دا گەشبوویە. ئەو نە تنێ وەک ڕاهێنەر یان داهێنەر، بەلکو وەک ئەندازیارا پاشەڕۆژا نەوەیەکێ نوو هاتییە نیاسین، نەوەیەکێ کو ل سەر دەستێ وێ فێری زمانێ داهاتی و کۆدینگێ دبن.

بوھار ئامێدی، د دیرۆکا تەکنەلۆژیا وڵاتی دا دەرگەهەکێ نوو ڤەکر، دەما کو وەک ئێکەم ژن پشکداری کری وەک دادوەر د ئێکەم پێشبڕکێیا ڕۆبۆتیکێ یا (VEX) دا کو ل سەر ئاستێ عێراقێ هاتبوو ئەنجامدان. ئەڤ پێنگاڤە بوو کلیلا هندێ کو ڕولێ وێ د ناڤ ڕووداوێن تەکنەلۆژی دا ببیتە ڕووبارەکێ پڕ ژ دەرفەت بۆ چەندین قوتابیێن گەنج، دا کو شیانێن خۆ یێن نادیار د بوارێن ئەندازیاری، کۆدینگ و داهێنانێ دا ببینن و پەرە پێ بدەن.

ئەڤ ئەزموونا دەولەمەند ل سەر ئاستێن ناڤخۆیی و نێڤدەوڵەتی هاتییە چەسپاندن؛ وێ پشکداری د دەیان پڕۆژەیێن پەروەردەیی دا کری یە و هۆسا بوویە پرەکا پەیوەندیێ د ناڤبەرا قوتابخانە، پەیمانگەهـ و کۆمەڵێن پەروەردەیی یێن جیهانی دا. ناسناڤێ وێ وەک ڕاهێنەرەکا خودان شیان د پێشخستنا مامۆستا و قوتابیان دا د بوارێن ڕۆبۆتیک، کۆدینگ و ئامرازێن ژیرییا دەستکرد (AI) دا، وێ دکەتە خودان پێگەیەکی پێشەنگ د داهێنانێ دا.

کەد و زەحمەتا بوھارێ، چەندین جاران ل سەرانسەری عێراق و کوردستانێ هاتییە ڕێزلێگرتن. وێ ناسنامەیا سەرکەفتنێ ل باژارێن دهۆکێ (ب چەندین جاران)، هەولێرێ، سلێمانیێ و بەغدایێ تۆمارکریە، ژ لایەکێ دی ڤە ژی کۆمەڵێن پەروەردەیی و تەکنەلۆژی یێن نێڤدەوڵەتی پێشوازی ل شیانێن وێ یێن کێم وێنە کرییە.

ئەڤ دەنگڤەدانە د ناڤ جڤاکی دا ڕەنگڤەدا، دەما کو وێ د پتر ژ (32) دیدارێن تەلەڤزیۆنی، پڕۆگرامێن ڕاگەیاندنێ، کۆنفرانس و گۆتوبێژێن گشتی دا دەرکەفتی، دا کو ب ڕاشکاوی ل سەر پاشەڕۆژا پەروەردەیێ، پشتەڤانیکرنا ژنان د تەکنەلۆژیایێ دا، داهێنان و ڤەگوهاستنا دیجیتالێ باخڤیت. وێ تنێ گۆتاربێژی نەکرییە، بەلکو وەک شارەزا، پێشنیارێن کارا و ڕێنماییێن سیاسی پێشکێشی وەزارەت و دەزگەهێن پەروەردەیی ل عێراق و کوردستانێ کرینە بۆ چاکسازییا سیستەمێ خویندنێ، نووکرنا پرۆگرامان و دیزاینکرنا قوتابخانەیێن داهاتی.

دیتنا بوھار ئامێدیێ بۆ داهاتی، دیتنەکا ستراتیژی و کویرە. ئەو کار دکەت بۆ ئاڤاکرنا نەوەیەکێ نوو کو چاڤەڕێی داهاتی نەکەت، بەلکو بخۆ داهاتی دروست بکەن. نەوەیەک کو بشێت:

• ڕۆبۆتان و پڕۆژەیێن ژیرییا دەستکرد (AI) دیزاین بکەت.
• ئەپڵیکەیشن، یاری، مالپەر و پلاتفۆرمێن دیجیتال ئاڤا بکەن.
• داهێنانێن زانستی و پڕۆژەیێن کارپێشخەری یێن سەربەخۆ بخولقینیت.
• چارەسەریێن پەروەردەیی یێن زیرەک پێشکێش بکەن.

ژ لایێ وێ ڤە، پەروەردە نە تنێ وەرگرتنا زانیارییانە، بەلکو چاندنا تۆڤێ سەرکردایەتیێ، شیانان و دیتنا چارەسەرییانە بۆ کێشەیان. ئەو ب بەردەوامی ل سەر ئاستێ مەیدانی خەباتێ دکەت دا کو دەرفەتێن یەکسان بۆ کچان و داهێنەرێن گەنج دروست بکەت، دا کو ببنە ڕێبەرێن ڕاستەقینە د کارێن تەکنەلۆژیا داهاتی دا.

ئەڤرۆ، بوھار ئامێدی وەک هێمایەکێ گۆهورینێ و نووکرنا پۆلێن خویندنێ ل عێراق و کوردستانێ ل قەلەم دهێت، ئارمانجا وێ هێشتا بەردەوامە: بنیادکرنا داهاتیەکێ کو تێدا تەکنەلۆژیا و داهێنان، پشکەک بن ژ ژیانا هەر زارۆکەکێ د ناڤ هەر پۆلەکێ دا.