کورد نەتەوەیەکێ مەزن و کەڤناڕن، جھێ وان خاکا وان وەلاتێ وان یێ دکاکلکا رۆژھەلاتا ناڤیندا، ئانکو جوانترین و باشترین و ب پیتترین خاک و وەڵات!خاک و وەلاتێ وانە. کوردا چ جارا دەستنەداھێلاینە و تەسلیم نەبووینە ھەردەم بەرگری و بەرخودان و شۆڕش یێن کرین دژی داگیرکەرێن خۆ، سەرەڕای ھێز و مەزنیا دژمنا لێ ھەر نەشیاینە کوردا ژناڤ ببەن و ئاسمیلە بکەن. ئەگەر ئێک پرسیارەکێ بکەت و بێژیت پا مادەم کورد ئەڤە بن بۆچی نەبووینە دەولەت؟ ئەم دکارین بەرسڤێ ھوسا بدەی ،گەلەک ھۆکار یێن ھەین و ھەبووینە نەھێلاینە کورد تاکو نوکە نەببنە دەولەت ژوان:

• ١-ھۆکارێن خۆیەتی
• ٢-ھۆکارێن بابەتی

١-ھۆکارێن خۆیەتی

ھۆکارێن خۆیەتی ئانکو زاتی ئەو ھۆکارن یێن گرێدای ب کوردا بخۆڤە یێن وەکرین کورد نەبنە دەولەت.

1. خاک و ئەردێ کوردا کو دکەڤیتە دکاکلکا رۆژھەلاتا ناڤیندا دناڤبەرا چار دەولەتان دا، کو ھەر چار داگیرکەرێن ئاخا کوردانە، ئیراق و ئیران و تورکیا و سوریا.
2. ب پیتیتا خاکا کوردستانێ کو ھەمی کانگا و مەعدەنێن دەگمەنن، ئەردێ وان ھەمی خێرو بێرە ھەردەم چاڤێ تەماحکارا و دۆژمنا یێ لسەر.
3. حەتا نوکە سەرکردەک ژناڤ کوردا نەرابوویە کو ژ جان دل و ڤیان حەز و کار بۆ دەولەتێ کربیت و ئارمانجا وی بتنێ دەولەت بیت نەکو ڤیانا دەستھەڵاتداریێ و سامانی و خستنا ھەمی عەشیر و ھەمی تشتا دبن دەستھەڵاتا خۆڤە.
4. شیقاق و نیقا کوردا سەرا دەستھەڵات و سامان و بەرفرەھکرنا دەستھەڵاتداریا خۆ لسەر کیست و حسابا چ تشتی بیت.
5. کورد مللەتێ زانا و تێگەھشتییە ھەر ژ کەڤندا بندەستی قەبوول نەکریە ل مافێ خۆ گەڕیایە چۆک نەدانایە شۆڕش و بەرخودان کرینە، گەلەک زانا و عالم ژێ رابووینە ھەکە ھەما بەس سەحکەینە قوناغا ھاتنا ئیسلامێ دێ بینی کا چەند زانا ژێ رابووینە خزمەتا دینێ ئیسلامێ کریە،لێ چونکی کورد گەلەکێ بێ خودانە ئەڤ زانین و تێگەھشتنا وان ھند مفا نەگەھاندیێ.
6. کەلەڕەقی و مەژی ھشکییا کوردا خالەکا دی یا سلبییە، کو گەلەک کاریگەریا ل کوردا کری نە چ حسابا بۆ دوستێن خۆ نە بۆ دژمنێن خۆ دکەن و گۆھ نادەنە شیرەتێن دەولەتێن مەزن و زلھێز.

دبیت ھێشتا ھەبن لێ بلا ئەڤە بەس بن .

٢-ھۆکارێن بابەتی

ھۆکارێن بابەتی ئەو ھۆکارن یێن دەرڤەی ئیرادا کوردا و کارگەری لسەر کریە و نەھێلاینە ببنە دەولەت، ئانکو ھۆکارێن ژ دەرڤەنە:

1. ل ھەڤھاتن و ئێکبوونا دژمنێن کوردا لسەر کوردا، داکو ھەر دھوسا بن و دچەوسایی بن، کو ددەمەکی ئەو دژمنێن کوردا دژمنێن ئێکو دوونە ژی لێ گەر بۆ مەسەلا کوردا دبنە دۆستێن ئێک.
2. ھەکە ھێلا کورد ببن خودان کیان دێ گەلەک ئاخا وان دەولەتا ژ دەستێ وان ھێتەدەر، کو د ئەسڵدا ئاخا کوردایە، ڤێجا دێ دەولەتێن وان زۆر بچووک بن ژ روویێ جگرافی ڤە، دبیت ھەما ھندەک دەولەت ژوان نەمینن دەولەت چونکی ھەمی تشتێ وان یێ کودایە.
3. دەولەتێن زلھێزو بەرژەوەندێن وان دگەل دەولەتێن ھەڤسوویێن کوردا کو خودان کووریەکا ستراتیژینە پتر دگەل وان دگۆنجن و خزمەتا بەرژەوەندێن وان دکەن.
4. پتر ژ ٩٥:/کورد ھەلگرێن ئایینێ ئیسلامینە، ئانکو دگەل دەولەتێن جیرانێن خۆ ھەلگرێن ئێک ھزرو بیرن ئەگەر دەولەتەکا کورد دڤێ ناڤەندا کاکلا رۆژھەلانا ناڤین و دناڤبەرا ڤان چار دەولەتادا چێبوو دێ دگەل ڤان دەولەتا بنە ھێزەکا مەزن و خودان ئێک بیرو باوەر، ئەڤە ژی دێ راستەخۆ کاریگەریێ ل دەولەتێن مەزن و زلھێز کەن، دبیت ئەو ھوسا ببین لسەر ببیتە گەف و ھەرەشە.
5. کوردا سیاسییێن باش و زیرەک و زانا و دبلۆماسی نین یان ئەگەر ھەبن ژی رێکێ نادەنێ کو ب رۆلێ خۆ راببیت، سەرکردێن کوردا دڤێت ھەمی تشت ددەستێن واندا بن و کەس ژ بن ئەمرێ وان نەدەرکەڤیت و ھەیی و نەیی ئەو بن ئەڤە ژی شاشیەکا مەزنە! بەرێ خۆ بدێ کورد دکارێن سەربازیدا و لسەنگەرا چجار نەشکەستینە، لێ ھەرتم ددان و ستاندنادا شکەستن ئیناینە، ئەڤە ژی سەدەمەکە، دبیت دوو سەدەم دی ژی ھەبن کورد کو دبلۆماسی بشکێن، ژبەر ھێزا مەزنا دژمنا. خۆشباوەریا کوردا و سادەیا وان ب دژمن و نەیارێن وان.