د دژوورا تە یا ڤەدەر دا، یان دەمێ تو ل پشت شاشەیا کۆمپیوتەرێ خۆ د ڕوینێ، ڕەنگە وەسا هەست بکەی کو تو ژ چاڤێن جیهانێ یێ/یا ڤەشارتی و دویری. د ڤێ سەرەدەریێ دا، کۆمپیوتەر و مۆبایل وەک ماسکەکێ پاراستنێ دیار دبن، بەلێ ڕاستی بەروڤاژی ڤێ چەندێ یە؛ ئامێرێن دیجیتاڵی نەشێن کەسایەتییا تە یا ڕاستەقینە ڤەشێرن. تە چەندین هەژمارێن جیاواز د تۆڕێن جڤاکی دا هەبن یان ئیمێلان بکاربینیی ئەو کەسێن تێکست و وێنەیێن تە دبینن و دخوینن، ب باشی دزانن کو ئەڤ پەیامە ڕەنگڤەدانەکا راستەقینە یا هزرا تە نە.

یاسایا بنەڕەتی

ژبه ڕهندێ یاسایا بنەڕەتی یا ڕەوشتا دیجیتاڵی ئەڤەیە: "ئەو ئاخڤتنا تو نەشێ ری ب ری کە سە کێ بێژی، ل فەیسبووک و تۆڕێن دی ژی نە بیژە."

زێدەبارى هندێ دڤێت مرۆڤ گەلەک یێ هشیار بیت بەرامبەر تۆنا ئەو ئیمێلێن دبینێت و وان وێنەیێن بەلاڤ دکەت.

کارتێکرن و لەزاتییا تەکنۆلۆژیایێ

تشتێ کو گەلەک جاران وەک بابەتەکێ سادە تێتە دیتن، چێدبیت زیانەکا دەروونی یا مەزن بگەهینێتە وەرگری. دەمێ کەسەک پەیامەکا نەخۆش یان ڕەق دخوینیت، بتنێبوون و نەبوونا کەسەکێ ل دوروبەرێن وی دا ئاریشەیێ دژوارتر دکەت، گە لە گ جاران لێک تیگە هشتنا خە لە ت (شاش ) ژئە نجامێ کومینتە کا ب لە ز هاتیە نڤیسان کە سێ بە ڕمبە ڕ ب شیوە یە کێ دی تیگە هشتیە، به ری توهە ربابە تە کی بڤیسی یان بە لاڤ بکە ی دفیت باش هزرتێدابکە ی

دسەردەمێ بەرێ دا، خەڵکی پرۆسەیا نڤێسینا نامێن کاغەزی گرانتر ددیت، بەلێ ڕاستی ئەوە کو پتر هویربوون و هزر د ناڤە روکا پەیاما خۆ دا دکر. ئەڤرۆ تەکنۆلۆژیایێ لە زاتیە کا مەزن دایە مە کو بتنێ ب دوو کلیکان تێکستا خۆ بهنێرین بەری هزر د ئەنجامێن وێ دا بکەین.