ئافرەت و سۆشیال میدیا: د ناڤبەرا چەسپاندنا شیانان و هێرشێن جڤاکی دا

ڕاگەهاندن تنێ ئامرازەکێ گەهاندنا دەنگوباسان نینە، بەڵکو ئاوێنەیا ڕاستەقینەیا جڤاکی یە. پرسا « ئافرەت و ڕاگەهاندن » د جڤاکێ مۆدێرن یێ کوردی دا بابەتەکێ فرە ڕەهەندە؛ د لایەکی دا ئافرەتێ شیانییێن خۆ یێن هزری و داهێنانێ چەسپاندینە، بەلێ د لایێ دی دا ل سەر سۆشیال میدیایێ ڕووبەڕووی هێرش، گۆشار و دیتنەکا گەلەک کرێت دبیت ل سەر دەستێ پشکەکا جڤاکی.

بۆچی جڤاک ب ڤی شێوەی بەرێخۆ ددەتە ئافرەتێ ل سەر جیهانا دیجیتاڵی؟

ئەڤ دیتنا نەرێنی و هێرشێن توند ل سەر تۆڕێن جڤاکی بۆ چەند ئەگەرێن سەرەکی و بورهاتیێن کلتوری دزڤڕن:

• سیاسەتا "تەڕ و هشکان پێکڤە سوژتنێ": ئەڤە ئێک ژ مەزنترین ئاریشێن جڤاکێ مەیە. دەما کچەک یان ئافرەتەک ل سەر سۆشیال میدیایێ ناڤەڕۆکەک بێ رامان، نزم یان ڕەفتارەکا نەجوان بتنێ ژ بۆ زێدەکرنا لایک و بینەران پێشکێش دکەت، جڤاک ب شێوازەکێ گشتی حوکمی ل سەر هەمی ئافرەتان دکەت. ئەڤ گشتاندنە دبیتە ئەگەرێ وێ چەندێ ناڤێ ئافرەتێن خودان شیان و رەوشەنبیر بهێتە زڕاندن و مافێ وان یێ دەربڕینێ بهێتە خوارن.
• کارتێکرنا هزرێن کەڤنباو: هێشتا پشکەکا هزرکرنا جڤاکی د بن کارتێکرنا تێگەهشتنێن کەڤندا دژیت. دەمێ ئافرەت دبیته خودان دەنگ و ڕەنگ و ب ئازادی دئاخڤیت، هندەک ڤێ چەندێ وەک لادان ژ دابونەریتان دبینن و ب کۆمێنت و پەیڤێن نەجوان هێرشێ دکەنە سەر.
• فەجوەیا دناڤبەرا تەکنەلۆژیا و کلتوری دا: تەکنەلۆژیا گەلەک ب لەز هاتە د ناڤ ژیانا مە دا، بەڵام کلتورێ بەکارهێنانا درۆست پێشڤەنەهات. مرۆڤ هێشتا فێرنەبووینە ڕێزێ ل ئازادییا تایبەتا کەسێ بەرامبەر بگرن، نەخاسمە ئەگەر ئەو کەسە ئافرەت بیت.

"ڕێزگرتن ل ئافرەتێ ل سەر جیهانا دیجیتاڵی، نیشانا پێشکەفتنا شارستانی و ئەخلاقی یا جڤاکی یە."

ڕێکارێن ڕاستکرنا ڤێ دیتنا نەرێنی

بۆ دەربازبوون ژ ڤێ دۆخێ و ئاواکرنا ناڤەندەکا دیجیتاڵی یا تەندروست، جڤاکێ مە پێتڤی ب چەند هەنگاڤان هەیە:

دەرەنجام: ئافرەتا کورد خودان عەقڵ، هزر و شیانە؛ پاراستنا پێگەیێ وێ یێ دیجیتاڵی بەرپرسیارەتیەکا گشتی یە بۆ نیشاندانا ڕوویێ شارستانی یێ وەلاتی.