سرايا پانزينا ٧٥٠ بێى ٠٧٥٠

سراگرتنا ل بەر پانزينخانەيێن پەنزينێ؛ ل ئيراقێ هەميێ نەك تشتەكێ نووى يە، لێ هەر ژ سالێن پشتى نۆتان پەيدابوويە و هەتا نها، ئەو ژى ژ بەر دو ئەگەرێن راستەوخۆ و نە راستەوخۆ؛ ئەڤ دياردە پەيدابوويە، تايبەت ژى ل هەرێما كوردستانێ كو پتر ژ ئيراقێ، ئەوێ ژى ئەگەرێن خۆ يێن بابەتيانە هەبووينە. ئەڤ ئەگەرانە ژى ئێك. ئەوە كو پشتى چوونا رژێما ئيراقێ ب سەركشيا سەدام حسێن يێ دكتاتۆر بۆ داگيركرنا كۆێتێ و رەنگڤەدانا جڤاكا نێڤدوەلى و هەڤپەيمانان كو ل ئيراقێ دايين، نەمازە هێشتا زيانا شەڕێ هەشتى سالى يێ ل گەل ئيرانێ د نوى بوون. دۆرپێچ كەفتيە سەر ويستگەهـ و پارزنينێن پترۆلێ هاتيە تێكدان، زيانەكا مەزن ب ئيراقێ كەفت و دەين كەفتنە سەر، تەنانەت زيان گەهاندەيە وێ ژى، ئەڤە ئێك. يا ديتر ژى هاوردەكرنا ترومبێلێن نوى بۆ ناڤا ئيراقێ ب رێژەيەكا زۆر يا بێ وێنە. ل دەسپێكێ ژى ل هەرێمێ دەست پێ كرن و هەر تەڤلى سنووران بوون، رۆژ بۆ رۆژ و هەتا ئەڤرۆ ژى چەندەكێ يا بەردەوامە. لەورا قەيرانيێن سۆتەمەنى ل ناڤا ئيراقێ دا دروست بوون و هەمى پارێزگەهێن وێ ب خۆڤەگرتن، سەرەراى هندێ كو ئيراق ژ دەولەتێن ئێكێ ل سەر ئاستێ جيهانێ دهێت بۆ بەرهەمئينانا سامانێ پترۆلێ!. كو هەتا رۆژەكێ من ب خۆ گۆتارەك ل سەر ڤى بابەتى نڤيسيى بوو، دەمێ چوويمە گەشتەكێ بۆ باژارێ كەركووكێ و من سرايا درێژ يا پەنزينێ ديتى، و ئەز يێ ب رەخ كێلگەيێن باباگوڕگوڕ و باى حەسەن راچوويم و ئەو پارێزگەها هندا زەنگين ب پترۆلێ و من ديتى خەلكێ وێ د ناڤ سرايێ دا، جهێ حێبەتيێ بوو.