سكاڵا

ئه‌ڤه‌ هاتم ئەی وه‌ڵاتۆ
هه‌مى عه‌شقم هه‌مى ڤيان
هندى دمندا ھەبن ھێز و شیان
ناراوه‌ستم حه‌تا ته‌ دكه‌مه‌ كيان

ئه‌ز باو بارۆڤه‌ و تەڕگم
تۆفان و ره‌ش بارانه‌كا تژی مەرگم
ددانێن من دهووسینە
په‌نجەو نینۆکێن من دجه‌له‌ب گرتینە

ئه‌وێن نانێ ته‌ دخۆن ،
بۆ خە‌لكى دڕەون
ژسه‌رڤه‌ كوردپه‌روه‌رو ،
دناخێ خۆدا هه‌مى گه‌ماڕۆ دڕەون

يێ بناڤێ كوردايه‌تيێ
دكه‌ڤلێ ڤى واری دا دچه‌ڕن
بەڵگە ‌ لسه‌ر دزۆر و دپڕن
دڕەوا دکەن لكوردايه‌تییێ ناگه‌ڕن

به‌رژه‌وه‌ند په‌رست و هه‌لپه‌رستن
ب سامانێ مللەتی سەرخۆش و مەستن
بۆ دزینا مالێ گشتی
ھزار چاڤ و ھزار دەستن
چەندەھا بەڵگە لبەردەستن

ئه‌زێ ل ھندەک به‌ڵگێن دى ژى دگه‌ڕم
دێ لدادگه‌ها نێڤ ده‌وله‌تى
ل سەر ڤان بيژييا و
وتێشکێن رووڤیا
چه‌ند تاوان و سكاڵا تومارکەم

دێ بێژمێ ئەڤانا ...
به‌رهه‌مێ ته‌ هه‌مى خارو فرۆشت
ئه‌زو تۆ كرينه‌ برايێن ماری
ده‌ست و پێن مه‌ كرنه‌ جۆت
كوردايه‌تى دا به‌رپێن و پاڵا
ئه‌رزان هاژۆت و فرۆت
خوينا شه‌هيدا ره‌نجا خه‌لكى
بۆ خۆ ژێڤه‌كر و دۆت
ئاگر به‌ردا دلێ زارۆك و كاڵا

ژ بلى دزين و تالانكرنا سامان و
مالێ گەل و مللەتی!..
دڤێن هيڤى و ئارمانجا ژی ..
بن ئاخبكه‌ن بكه‌نه‌ چاڵا

ڤێجا ئه‌ڤه‌ هاتم هشيار بن
ئه‌ز شەرڤان و پێشمه‌رگه‌كم
بۆ وه‌ڵاتی باب و براو كاكم
دادگه‌ھ و ھێزا گه‌لم
ئێتوون و ئاگره‌كێ كه‌لم
دێ هه‌وه‌ هێڕم
دابه‌س به‌رێ هنده‌ سالا بدەنە بای
مانه‌ بەسه‌!
هه‌وه‌ ژيانا ڤى ملله‌تى هه‌مى كره‌ ده‌ردو به‌لا

ئه‌گەر هون ده‌ستا ژ بێدادیا به‌رنەدەن
دێ كه‌ڤنه‌ به‌ر هێزا گه‌نج و پيرو تفاڵا
دێ راهێلينه‌ هه‌وه‌ بدارو به‌رو گوپاڵا
دێ وه‌ڵاتی ژ هه‌وه‌ شووین وتافيلكه‌ين
هێلينه‌ خالى و ڤاڵا
ئه‌رێ خالی و ڤالا ؟