سەرەدانا توم باراک بۆ هەولێرێ: پەیامێن ل پشت هەڤدیتنێن دگەل سەرۆک بارزانی، نێچیرڤان بارزانی و مەزلوم عەبدی چ نە؟

رێناس سندی

دەمەکێ کو تەوەرێن ڕوودانان ل رۆژهەلاتا ناوەڕاست بەر ب ئاراستەیێن نوو و نەچاڤەرێکری دچن و نەخشێ جیۆپۆلۆتیکی یێ دەڤەرێ د ناڤ گوهۆرینێن بنەڕەتی دا دەرباز دبیت سەرەدانا کەسایەتیێ ناودار و خودان باندۆر و نێزیک ژ بازنەیێن بڕیاردانێ ل واشنتۆن توم باراک بۆ پایتەختێ هەرێما کوردستانێ شلوڤەکاریەکا کوور و بەرفرەهـ دناڤ ناڤەندێن سیاسی و ڕاگەیاندنێ دا دروست کرییە چونکی ئەڤ هاتنە د کاتەکێ هەستیار دا دهێت کو دەڤەر هەمی د ناڤ لێشۆنەکا ئالۆز دا دژیت و ئەو کۆمبوونێن ئاستبلیند یێن وی ل هەولێرێ دگەل ڕێبەرێ نەتەوەیی سەرۆک مەسعود بارزانی و سەرۆکێ هەرێما کوردستانێ نێچیرڤان بارزانی و فەرماندەیێ گشتی یێ هێزێن سووریا دیموکرات مەزلوم عەبدی کۆمەکا نامە و پەیامێن گەلەک ستراتیژی و گرنگ ل پشت خۆ حەشار داینە کو ئاماژێ ب قۆناغەکا نوو یا دارشتنا هاوسەنگیا هێزێ ل عیراق و سووریا ددەن۔

حزورا توم باراک ل هەولێرێ و ڕێکخستنا ڤان دیدارێن گرنگ د ئێک کات و د بن چەترەکێ دا بارگرانی و گرنگیا سیاسی یا پایتەختێ هەرێما کوردستانێ جارەکا دی دەرخست و سەلماند کو هەولێر هێشتا وەک سەنتەرێ سەرەکی و بێ لایەن یێ دارشتنا بڕیار و چارەسەریێن گشتگیر ل دەڤەرێ دهێتە قەبوولکرن و هاتنا فەرماندەیێ گشتی یێ هەسەدێ مەزلوم عەبدی بۆ هەولێرێ و بەشداربوونا وی د ڤان گۆتوبێژێن ستراتیژی دا هێمایەکێ زەلالە کو ئەمریکا د ڤێ قۆناغێ دا دۆسیەیا رۆژاڤایێ کوردستانێ و پاشەرۆژا رۆژهەلاتێ فوراتی ب بڕیار و پێگەیێ بەهێز یێ سەرکردایەتیا سیاسی یا هەرێما کوردستانێ ڤە گرێ ددەت و دڤێت ئەڤ پەیوەندیە ل سەر بنەمایەکێ بهێز و دابینکرنا بەرژەوەندیێن نەتەوەیی یێن هاوبەش بهێتە ئاواکرن دا کو بەرەنگاری هەر گوهۆرینەکا ژنشکەکێ ڤە ببن۔

ئێک ژ وان پەیامێن سەرەکی یێن کو ئەڤێ سەرەدانێ دگەل خۆ هڵگرتین تێگەهشتنا نوو یا واشنتۆن بوو بۆ پاراستنا دۆست و هەڤپەیمانێن خۆ یێن دڵسۆز د ناڤچێ دا د کاتەکێ دا کو د ناڤەندێن راگەیاندنێ دا دەنگۆیێن جودا ل سەر پاشەکشە یان گوهۆرینا سیاسەتا دەرڤە یا ئەمریکا بەرamبەر عیراق و سووریا دهاتنە باثکرن بەلێ پەیاما توم باراک گەلەک ڕووهن بوو کو پێگەیێ دەستووری و قەوارێ سیاسی یێ هەرێما کوردستانێ هێڵەکا سوورە و واشنتۆن دێ بەردەوام بیت ل سەر پشتەڤانیا خۆ یا سەربازی و ئابووری و دبلۆماسی بۆ هێزێن پێشمەرگەی و هێزێن هەڤپەیمان د شەڕێ دژی توندڕەویێ دا و پاراستنا ڤێ دەستکەفتێ وەک پارچەک ژ ئەولەهیا نێودەوڵەتی سەیر دکەت۔

ل لایەکێ دی پرسا ڕێکخستنا ناڤمالیا کوردی و دروستکرنا هەماهەنگیەکا کۆنکریت و راستەوخۆ د ناڤبەرا باشوور و رۆژاڤایێ کوردستانێ دا پشکەکا مەزن ژ دانوستاندنان بخۆ ڤەگرت چونکی هەم لایەنێ ئەمریکی و هەم سەرکردایەتیا کوردستانێ گەهشتینە وێ باوەریێ کو پاراستنا دەستکەفتێن ل باکوور و رۆژهەلاتێ سووریا ب بێ پشتەڤانیا لۆجیستی و دبلۆماسی و ئابووری یا هەرێما کوردستانێ جێبەجێ نابیت و ل سەر ڤی بنەمایی هاندانا لایەنێن رۆژاڤا بۆ نێزیکبوونێ ژ هەولێرێ دێ بیتە ئەگەرێ هندێ کو کورد وەک کارەکتەرەکێ بهێز و یەکگرتی د هەر پرۆسەکا ئاشتیێ یان دارشتنا دەستوورێ نوو یێ سووریا دا پشکدار بن و رێگریێ ل هەر مەترسیەکا دەرەکی بکەن کو بخوازیت ئەڤان دەستکەفتان ژ ناڤ ببەت۔

هەروەسا د کۆمبوونا تایبەت دا دگەل سەرۆکێ هەرێمێ نێچیرڤان بارزانی تیشک خرایە سەر پەیوەندیێن د ناڤبەرا هەولێر و بەغدا دا و پێدڤیا چارەسەرکرنا تەواویا کێشەیێن هەلاویستی وەک بودجە و نەفت و دەڤەرێن کوردستانی یێن دەرڤەی ئیدارەیا هەرێمێ ل سەر بنەمایێ دەستوورێ عیراقێ و د ڤی واری دا باراک جەخت ل سەر هندێ کر کو هێز و سەقامگیریا ئابووری یا هەرێمێ کلیلا ئارامیا تەواویا عیراقێ یە چونکی کۆمەڵگەها نێودەوڵەتی نۆژەنکرن و پێشڤەچوونا دەڤەرێ دبینیت و هەر جۆرە لاوازیەک د پێگەیێ دارایی یان سیاسی یێ هەرێمێ دا دێ دەرەنجامێن نەرێنی بۆ هەمی دەڤەرێ هەبن لەو پشتەڤانیا نێودەوڵەتی بۆ مان و بەردەوامیا گەشەپێدانا کوردستانێ دێ یا بەردەوام بیت و ئەڤ چەندە بەرژەوەندیێن هەمەجۆر دابین دکەت۔

ل دوماهیێ دیدار دگەل مەرجەعێ باڵا یێ سیاسی یێ گەلێ کوردستانێ سەرۆک مەسعود بارزانی لوتکەیا ڤێ سەرەدانێ بوو کو تێدا دیار بوو ناوەندێن بڕیاردانێ ل جیهانێ و ئەمریکا هێشتا وەک پێویستیەکا ستراتیژی تەماشەی حیکمەت و ئەزموونا دوور و درێژ یا سەرۆک بارزانی دکەن بۆ دۆزینەوا ڕێگەچارەیێن گونجای بۆ قەیرانێن ئالۆز و ڕووبڕووبوونا هەڕەشەیێن هەرێمی و ئەڤ سەرەدانە ب گشتی دەرخەرێ هندێ یە کو ئەندازیاریا نوو یا سیاسەتا دەرڤە یا ئەمریکا ل سەر بنەمایێ بهێزکرنا پێگەیێ هەولێرێ وەک پرەکا پەیوەندیێ و ئاشتیێ هاتیە دارشتن و هۆشیاریا سەرکردایەتیا کوردستانێ د ڤێ سەردەمێ پڕی تەحەدی دا دێ بیتە تاکە زامن بۆ دەربازبوون بەر ب پاشەرۆژەکا گەشتر و پاراستنا قەوارێ هەرێمێ و مافێن رەوا یێن گەلێ کوردستانێ د هەمی هاوکێشەیێن بهێت دا و ڕێگرتن ل هەر ئالۆزیەکا دی یا نەچاڤەرێکری.