ئەڤ شەڤە

ژ شەڤێن خرش و

بێ بهایە

خەوا من

دناڤ بەرا چەپ ڕاست دا

یا ئاریایە

چنکو ژ سەبرێ

من هەدار یا بەرزەکری

ل ڤێ شەڤێ

ئەز یێ ل ئەڤرازیا

هەم مل و هەم نشیڤی

هشێن من

یێن بوینە گرێ و

پێ ئالینکا

یێت من وەردکەن

دناڤ بەرا شەڤ و روژێ

دروناهیێ دا

نیڤرو ئیڤار خو هندا دکەن

من ناس ناکەن

ئەڤ شەڤە ژی

یابویە دێوەك خنزری

خو هندی دی

کرێت دکەت

وەکی دەهبەی

خو دمن وەردکەن

چنکو ژ سەبرێ

من هەدار یا بەرزەکری

ئەز دناڤ بەرا

بەرێن بەستا هەست لێ کەفر

رەخەك بەفرە و

رەخەك ئاگر

نە هینیکاتی و نەژی گەرم

من ناس ناکەن

ل پاركا مەزن

خێر د کیفی نە و

کەف یێ ل دورێن من دزڤرن

کێلب و پەنچێن

تیژ دپرن

وەك درندا دئازریاینە و

لمن دخورن

هەمی دوران لمن بشەرن

ئو ئەز بخو ژی

دناخێ خودا یێ تژیمە و

ژ تژی بونا خو ناگەرم

نە گول و نە لات و مل

نە دجوان و خەملاندینە

ئەڤ بەختە بەختێ منە

هەرتشتەک

یێ لمن خەمگینە

ئەی بەخت کەڤر

نێ ئەز گونەهم

ئەڤ دلێ ژار

دئارامیێ دا سەبرو هەدار

ما نە بەسە لێ بڤەگەرن

لەو دبێژم

چنکو ژ سەبرێ

من هەدار یا بەرزەکری