نازدارێ

ئێدی عەرد نەشێت من راگرت
کیژ دل دشێت وەک یێ من خوە ژ ئەڤینێ
داگرت
ل کيژ بەنداڤێ ئاسێ کری
ل کیژ زڤستانا سڕێ بری
ل ديوارێ هەمبەر سەرێ من
ل سەر ڤێ گۆلا ل پەنجەرێ
ل سەر دەرازینکا
دەرێ من
کەڤالەکێ سەرنج راکێشە
وەکی ژیانا من بئێشە
کی دێ پشکداريا هندەک خەونێن من ين گوهشی کت
کی دێ کوڤانێن من لب لب کتە تزبی و ب ڕیشی کت
کی دێ رەهەندێن چيروکێن من یێن دێرین و کەڤنار
هەمی رۆژێن ڤێ ژیانا گران بار
ڤەوژێرت
و دسەرێ من دا تەنا و مت کت
کی دێ پیتێن شعرا من ژ خەملا جاران، ب هێمنی قوت کت
کی دێ ژڤێ جيهانا مالق بووی بەس کت
کی دێ بارانێن بوش هزرا من دگەل جوباران بەردت
شەڤێن بێ دەر
خوە دئاخينکێت من وەرکت
ئەڤان خەونان
سەرێ من کرییە دەریا
و هەمی ماسییێن بیرا من ب برسی دمرن
گيانێ من ب میلێ دەمژمێڕێڤە یا بوی ژمارە
ئەڤا من دکت پێلەک دو رەخ،
برینە
ئەڤا من دکت مرۆڤەک ژار
گرینە
گریا من گازییا ل بێ زارییە
قێڕینا من برینەک گەرم
ل ناڤ جەمەدەک تەزییە
ئەز بومە خلفا سێدارێ و ئەڤ برینە
ب خلفا سێدارێ ناهێنە ئارمانج کرن