هزرێن تە ژیانا تە چێدکەن

د ژیانا مە یا ڕۆژانە دا، گەلەك جاران ئەم دکەڤینە بن کارتێکرنا بارودۆخێن نەخۆش. د زانستێ دەروونناسیێ دا تێگەهەکێ سەرەکی هەیە کو دبێژنێ (ڕاستڤەکرنا هزران) یان (دووبارە دارشتنا هزران). ئەڤ تێگەهە دیار دکەت کو نە ئەو ڕیدانن مە تێکددەن، بەلکو شێوازێ تەفسیرکرن و تێگەهشتنا مە یە بۆ وان ڕیدانان.

دەمێ مرۆڤ تووشی دۆخەکێ نەدیار یان پشتگوهـ هاڤێتنێ دبیت، مێشک ب شێوەیەکێ ئۆتۆماتیکی بەر ب ئەنجامێن نەرێنی ڤە دچیت؛ بۆ نموونە: "گرنگیێ ب من نادەت" یان "حەز ژ من ناکەت". ئەڤ جۆرە هزرکرنە سیستەمێ دوودلی و سترێسێ د لەشی دا چالاک دکەت.

کارتێکرنا هزرێن ئەرێنی ل سەر دەمارێن مێشکی

بەلێ دەمێ تۆ ب هشیاری ڤە هزرێن خۆ ژ نەرێنی د گوهۆری بۆ لایەنێ ئەرێنی، یان بهانەیەکێ بۆ دبینێ؛ بۆ نموونە: "یێ ماندیە و مژوولە" یان "پێتڤی ب دەمی یە"، تۆ گوهۆرینێ د ڕێڕەوێن دەماری یێن مێشکی دا چێدکەی و ئەڤ پرۆسەیە ئاستێ هۆرمۆنێ سترێسێ کێم دکەتن.

دەردانا هورمونێن ئارامیێ و بەختەوەریێ هانددەت؛ ئانکو هشیاریا دەروونی دوێ چەندێ دایە کو تو کونترولا شلوڤەکرنا ریدانان بکەی نە کو بهێلی ریدان کونترولا دەرونێ تە بکەن.

دیمەنێ ژیانێ یێ رەش و سپی نینە، رەنگێ وێ بتنێ رەنگڤەدانا هزر و ناخێ تەیە. هندەک جاران خوشی و نەخوشیا تە بتنێ ژ هزرەکی دەست پێدکەتن؛ هزرێن خو راستڤەکە داکو ژیاناتە بهێتە گوهرین.