Kurd Diaspora
شیرەتێن بابەکی بۆ کوڕێ خۆ ل سەر زانستێ گەندەلییێ
گەنجەکی قەستا ژۆرا بابێ خۆ کر دیت بابێ وی لسەر تەختی یـێ درێژکریە و توشی نەخۆشیەکا گران بوویە، چاڤەرێـی مرنا خۆ دکەت، وی گەنجی گوتە بابێ خۆ من فێری زانستێ گەندەلییێ بکە کو پشتی مرناتە پرسیارا کەسێ نەکەم .
بابێ وی گوتێ کوڕێ من گەندەلییێ ڕێسا و یاسایێن خۆ یێن هەین، خۆ فێربکە و گەلەک ب هویری پەیرەو بکە ، دێ بو تە هندەک خالا وەک شیرەت لسەر زانستێ گەندەلییێ بێژم، باش گوهدارییا من بکە.
١- ب تنێ گەندەلییێ نەکە چونکی گەندەلییێ پێdڤی ب کومەکا مرۆڤانە، پێdڤیە هەمی پێکڤە پشکداربن، پەیوەندییێن خۆ دگەل وان خورت بکە و یـێ مەردبە.
٢- ل وان مرۆڤان بگەڕێ ئەوێن لسەر یاسایـێ دا، وان جۆرە مرۆڤان ب گرانترین بها بکڕە، ژبەرکو ئەو دێ هندەک کاروکریاران نیشاتەدەن، ب تنێ ئەو شارەزانە دوارێ گەندەلییێ دا، ڤێجا چاڤەرێ بە هەتا هندەک دەم دبۆریت دێ بینی چەوا پێنگاڤ ب پێنگاڤ لسەر پەیسکێ سەردکەڤی هەتا دگەهیە گوپیتکا کومکرنا پارا بڕێکا گەندەلییێ.
٣- دێ شاشیەکا مەزن ئەنجام دەی ئەگەر پاریـێ تە یـێ دەستپێکێ مەزنتربیت ژ وان مرۆڤێت ژ تە بلندتر لسەر ئاستێ بەرپرسیاریـێ، چونکی پارڤەکرنا پاریـێ گەندەلییێ لسەر گەندەلکاران وەکو ئێک نابیت.
٤- مرۆڤەکێ خێر خوازبە، بلا دروشمێ تە ( مفای بگەهینە مفای ببینە) دەمێ تو پاریێ بچویک لسەر گەندەلکارێت دەستپێکی پارڤە دکەی دێ وان پتر هاندەی داخوازا پاریێت زێدەتر بکەن .
٥- گەندەلکارێ بسپۆر پێdڤیە مرۆڤەکێ شارەزابیت دبیاڤـێ یاسایـێ دا، بەلـێ گەندەلکارێت دەستپێکی دکەڤنە زیندانێدا، دزیکەرێت شارەزا ژی خەلک دێ دەستان بۆ وان قوتن و لبەر چاڤکێت کامیرا دێ ب خەلات و دیارییان هێنە بەخشین، دیسان دێ بنە جهـێ ڕێزگرتنا خەلکی.
٦- بەلێ کوڕێ من پێdڤیە تو فێربـی دێ چەوا بەلگەیـێت گەندەلیا خۆ خەندقینی چونکی خەندقین ساناهیترە ژڤەشارتنێ.
٧- نەترسە و شەرمێ ژگەندەلییێ نەکە چونکی ئەم مەزنترین ئەمبراتوریەتین لسەر ئاستێ جیهانێ، ئەم ل هەمی جهان ئامادەینە.
٨- جار ... جارە بشێوەکێ بەردەوام ئاهەنگێت گەرم سازbکە و تێدا ئەوێت گەهشتین کوم بکە سەرئێک، ژبەرکو چەند شەڤبیری وجۆرێت ئاهەنگa هەبن دێ شیانێت خەلکـێ بۆ گەندەلییێ زێدەتر لێ هێن.
٩- خۆ باش فێری زاراڤێن گەندەلییێ بکە ، هەلبەت گەندەلکار حەز ژپەیڤا (بەرتیل) ناکەن ئەو دێ کەنە پارێ وەستییانێ(عمولە).
١٠- گەندەلییێ ڕەت نەکە، وەسا بەحسێ گەندەلییێ بکە کو کارەکێ زۆر مەزن و زەحمەتە مرۆڤ بەرهنگاریا گەندەلییێ بکەت، دشیانێت مەدا نینە گەندەلییێ نەهێلین لەوا فەرە خۆ دگەل بگونجینین، هەروەسا گەلەک بەحسێ پاقژیـێ و نیشتیمان پەروەرییێ بکە و هندەک دروشمێت تەیسوک و بریقەدار دناڤ خەلکی بـێژە ، دیسان بەردەوام نفرینان ل گەندەلکاران بکە.
١١- بزاڤێ بکە روخسارێت خۆ جوان بکە و باشترین خزمەت پێشکێشی وان جورە مرۆڤان بکە ئەوێت دیفچوونا گەندەلییێ دکەن، ژلایەکێ دیڤە وێنەیان دگەل وان بگرە بۆ بیرهاتنان.
١٢- گەندەلی ئێشەکا ڤەگرە، خۆدان داهاتەکێ سنوردار کو ب ملیونان دبن دەستێ وی دەربازدبن رۆژەکێ دێ ئەوژی لاوازبیت، هندی چاڤدێری یا لاوازبیت.
١٣- گوهێ خۆ نەدە ڕەوشەنبیران، ئەو لێک دکەڤن دەمێ ژتە دویردکەڤن.
١٤- ئەگەر تە دادوەرەکێ گەندەلکار ڤەدیت هنگی ئەو گەنجینەیەکا مەزنە هشیاربـی ژدەست نەدەی چونکی هەمی دەما دەست ناکەڤیت، کەس ژی نابیژیت ئەڤ پارە تە ل کیڤە ئینان.
١٥- هشیاری ژمێریاریا ڕۆهن و ئاشکرا بـی هندی دشیانێت تەدابیت شەرێ وێ بکە و ل دژ ڕاوەستە.
١٦- ل دۆماهیێ دوژمنـێ تە یـێ سەرەکی وژداناتەیە بلا وژداناتە دبەریکانێ دا بیت ئەو دێ ڤـی شەڕی ب دەستڤەئینیت ئەگەر ب سەرڤەهات و ژوێ نەهشیـێ هشیاربوو.
Koment (0)
Hêşta tu koment nînin