چیرۆکەکا پرت و بەلاڤە!!!

ئەز ڕەگەزەکم...
د ناڤبەرا دۆهی و ئەڤڕۆدا دژیم
نە رابردوویەکێ گەشدار
نە داهاتیەکێ ب هیڤی و سۆزدار،

ڕۆژێن من...
دناڤ پێلێن هەبوونێدا بەلاڤەبووینە.

نە گرنژینەکێ....
ل سەر لێڤێن زارۆکەکێ دبینم سەمایێ بکەت.....
نە ژی پەروانەکێ دبیم.....
ل هنداڤ گولان عەشقێ بکەت .

ئەز ل کیڤە مە .. ئەز نزانم
ئەز یێ ل خۆ دگەریێم....!!!
د ناڤ کەلەخ بێ ئۆمێدیان دا
لبەر مرارێن خەون و خوزیاندا
ل هەمبەر وێرانەیێن دەمی
ل ئاسمانەکێ ژ ئاگرێ وەندابوونێ...
بوویە تەنی،

ل دەنگەکی دگەڕێم من بەرەڤ....
هەبوونێ ببەت
لێ پێلێن دەریایا هزران....
من د ناڤ خۆ دا نقووم دکەت.

چ ناهێتە گوهێن من...
ژبلی دەنگڤەدانەکێ،
کۆ ژ ژانێن بیرهاتنان و غەریبیا داڤێن پاشەڕۆژا مە دادعویریت،

ئەز هەر مام وەک خۆ ....
پرت و بەلاڤ
ئەڤە ئەزم و ....
ئەڤە ژی چیرۆکا مە
د ناڤ دەستێن دەمی...
هەوار دکەت