بێی هەمبێزا دل و چاڤان

چاڤ دگرین بێی هەمبێزێ
دل دسۆژیت رێز ب رێزێ
دەمێ هەڤدو هەمبێز بکەین
لەشێ مە پڕە ژ هێزێ.

دێ دلخۆشبیت وەک بەهەشتێ
ل ڤێ سەیران و ڤێ گەشتێ
چاڤێن مە هەڤدو ببینن
دلێن مە خۆشی گەهشتێ.

دەمێ ئەم ژێک دویر نەکەڤین
مە شەڤ نامینن بێی شەڤین
رۆندک ژ چاڤان نابارن
نابنە تاری و خەمگین

رۆژێن مە دێ بنە زیندان
چاڤێن مە دێ بنە گریان
چرایێ ڕێکا ژیێ مە
دێ بیتە تاری و تارستان.

نوکە بێی هەمبێز خۆشی چوون
هەمی وارێن مە تاڕی بوون
ئەگەر مە دەستێ هەڤدوو گرت
دێ ژیان بیتە گەش و ڕوون.

گەر کەنیا لێڤێن تە هەبیت
گیانێ من قوربانی تەبیت
گەر تو نەهاتیە سەر ڕێکێ
بلا من ئەڤ ژینە نەبیت.