زارۆك لاپەرەكێ سپیە دەیك و باب نڤیسەرێن وی زاروكینە ھەتا دگەھیتە ژیێ گەنجاتیێ و دشێن بەرپرسیارەتیێ هەلدگرن.

پەروەردەكرنا زارۆكان كارەكێ ب ساناهی نینە، پێدڤی پشتەڤای و بھێن فرەھی و ھاریكاریێ و بەرپرسیارەتیێ ھەیە، ژبەركۆ ئەركەكێ پیروزە سەر ملێن دەیك و بابا، زاروكێ خۆ پەروەردەكا ساخلەم ئاڤا بكەن نە بتنێ پێدڤین وان یێن سەرەكی دابین بكەن، بەلكۆ بۆ زاروكێ خۆ ژینگەھەكا ئارام و باش دابین بكەن، دویر ژ شەر و ھەڤدژیان، چونكی دەیك و باب ئیكەم كەسن كۆ زارۆك ھەست و ھزر و ڕەفتارێن خۆ ژ وان وەرگریت چ ئەو تشت یێ دروست بیت یان نە.

زاروكێ نازدار كیە؟

ئەو زارۆكە یێ د خێزانەكێدا مەزن دبیت ھەمی پێدڤییێن وی ب ساناھی بۆ دابین دكەن، بێی كۆ ل بەرچاڤ وەرگرتنا كەسایەتیا زارۆكی، کو ل پاشەڕۆژێ دێ چ كارتێكرنێ دكەتە سەر ژیانا وی/وێ دەمێ مەزن دبیت، و پاش نەشێت ھەستێ بەرپرسیارەتیێ ڕاكەن و حەسكەن پتر كەسێن دەردورین وی تشتا بۆ بكەن، و ئەگەر ئارمانجەك كارەك دەستنەكەفت دبیتە ئەگەرێ تورەبوونێ، جاران ژی د جڤاكیدا وەك كەسەكێ لاواز دھێتە دیتن، ئەفجا یا گرنگە دەیك و باب زارۆكێ خۆ ھند نازدار نەكەن نە ھەر تشتێ ڤیا بۆ بكەن و بێژنێ بەلێ بەلێ.

بو نمونە؛

دەمێ زارۆك بگەھیتە ژیەكی بشیت جلوبەرگێن خۆ بكەتە بەرخۆ و ب ئێخیت یان لێكدانا ژوورا خۆ سەروبەركرنا كەلوپەلێن خۆ و ئەو خارنێ بخۆن بەژداریێ ھندەك كارێن ناڤ مالێ دا بكەن، نە كارێن قورس كارێن بچیك ساناھی دیڤ ژیێ وی بدەنەڤێ نە ھەمی تشتا بۆ بكە ھندەك دەیك و باب دێ بێژن ئەم دل نادەین زارۆكێ مە ئیكانەیە، و ژ ڤیان دێ ئەو بخۆ دەست و چاڤ زارۆكێ خۆ شون دێ ھەمی ئەركا ستوێ خوڤە گرن وەسا زارۆك سەرنجا وی ھەمی د مینیتە سەر خێزانا وی و دەمێ مەزن ژی بیت مێشكی وی وەسا یێ ڕاھاتی چالاك نەبویە.