Şingal
Ji aliyê: Salimê Rengînê
Keris û Bar û Solax bî
Çem û cobarêd te me
Baxçe û bistan û bax bî
Rewşa beharêd te me
Çiya û teht û şax bî
Berfa zinarêd te me
Agir û ba û hem ax bî
Ava li demarêd te me
Bêhal û hem ne sax bî
Dermanê azarêd te me
Civat û agir û ocax bî
Ez mêvadarêd te me
Kelemê dijminê kambax bî
Ez şûr û darêd te me
Dem û dewran û çax bî
Stêrka êvarêd te me
Gund û bajar û tax bî
Kevrek ji dîwarêd te me
Dêras û Qîran û Qiçrax bî
Nîşana kevnewarê te me
comments (0)
No comments yet