دبێژن بەردەوام بەحسێ ڤی و وی، و یێ دی و یادی دکر، و د بەر ڕا ژی جار دکرە کەنی و جار ژی خەبەر د گوتن، د وێ کێلیکێ دا باب گەهشتە سەرێ کۆلانێ و دیت دیوان لبەر دەرگەهی یا گرێدایە و کەس نەمایە تۆز ژێ نە داقوتای، پشتی باب ب ژوور کەفتی گازی کچا خۆ کر و ب هێمنی گوتێ، هەرە (قالکا مەعجینێ ددانا) بینە، پشتی ئینایی بابێ گوتێ دێ ب گڤێشە، کچێ ئەو قالك گڤاشت و مەعجینێ ددانا ژێ هات، بابێ گوتە کچێ دێ کا جارەکا دی وی مەعجینی بزڤرینە دناڤ قالکێ دا ڤە! هندی کچك هاتێ نەشیا وی کاری ئەنجام بدەت، بابێ گوتێ؛ کچا من ئەها ئاخفتن دەمێ ژ دەڤێ تە دەردکەڤیت وەکی ڤی مەعجینییە و دوبارە ناڤریت، ئەڤجا هشیاری پەیڤێت خو ببە.

توژی هشیاری پەیڤێت خو ببە، ئەگەر پەیڤ یا زیاندار و غەیبەت و نەمیمە بیت، نەبێژە و ئەگەر یا مفادار و شیرەت و وانێت چاکیێ بیت، ب گرنژین ڤە بەلاڤکە و بێژە، چونکی هەر پەیڤەکا ژ دەڤێ مرۆڤی دەردکەڤیت لسەر مرۆڤی حسابە، ئەڤجا یا باش بیت یان خراب.