Kurd Diaspora
کهربا ئاخێ
گهلهک شهڤان .
من دڤێت
من گوڵ کڤ کڤا تاڤه ههیڤێ نهبیتن
من شهڤهک دڤێت
بێهنا وهغهرێ ژێ نههێتن
رهنگێ وێ نهکهتبیتن
دناڤ رۆندکێت خودا دخهو نهچوبیت
یا د خهو نهبیت
چونکه ههمی خهون ب کوزیرکن
من ههبونهک دڤێت عاشق نهبیت
دا ل نهبونا چاڤ زل نهبیت
من سترانهک دڤێت یا ب ههست نهبیت
دا یادا به ر لمن نهبیت
من رۆژهک دڤێت یا بێ ڕهنگ بیت
دا ل ڕهنگا چاڤ کزنهبیت
دا شهڤا من
دناڤ گرنژینا خهونێت دوهی و خهیالیت سوبێ دا
دا یا ب خهم نهبیت
....
ئهڤ شهڤا ئهز دگهل دمرم
دڤێت بو بفرم
دا رۆندکێت وێ بگرم
ئهڤ چ شهڤه؟
ب کوزیرکترین دێمێ ههناسێ یه
تاریترین ڕهنگێ دیتنا ههبوونێ یه
ب دل سوژترین سیمایێ زیندی بونێ یه
ب ژانترین برینا ئاخێ یه
غهریبترین ئاوازا گوهلیبوونێ یه
تراژیترین چیرۆکا چیرۆکنڤێسی یه ره ڤي يه
ڤێ نیف شهڤێ
چ تهڤنه ئاخ دریسیت
چ ئاشه بو زیندویا دگێریت ..
رۆندکا دنیایا دی دگریت ..
ئاخ
ماکهس نینه تێهنا ڤێ ئاخێ بشکێنیت
کهربا وێ بینته خار
بێهنهکێ ل دیوانا وێ بمینیت
و دگهل ب ڕینیتە خار
...
کاتو ئاخ
مانه تویی هیڤیا دگهل رۆندکا دکهیه ئاخ
تویی قهدهرێ دکهیه داخ
تویی برینا ساریژ دکهی
دا نهبنه ئاخ
کاتو ئاخ
دێ وهره رۆندکێت قهدهرێ عهرشێ مرۆڤبونێ ههژاند
نالینێت ژ دەست دانێ دل د سینگادا ره جفاند
بێهنا غهریبیێ و تایا مرنێ خولک ل باژێران قولپاند
دێ وهره من و دایکا من ههمبێز بکه
کراسهکێ ڤهدهر ژ ههستێت مرۆڤبونێ ل بەر لاشێ مهیێ ریس بکه
قورچهکا رۆندکا خۆ ب سهروچاڤێت مهیێت
تێهنی ژ بێهنا ئاوهرهبوونێ و کۆچا هزارێ دا بکه
دێ وهره مه ل وهلاتهکێ بالنده بو رۆندکان بگرن
شهڤێ لێ نهفرن
وهلاتهکێ سل ژ گرنژینا بهلاتینکا
ڤالا ژ تهڤن بیرکا
سیارێ ئاڤابوونا رۆژێ بکه
مه رادهستی ئاخا وهلاتهکێ فر ژ دلشادبونێ بکه
ئالایێ کۆچبهریێ و دهربهدهریێ ل بەر کیلیا مه ب چکلینه و بلند بکه
comments (0)
No comments yet