هەڕو ل میحرابا لیقائێ
مینا سيتاڤكا
تابلۆیەکێ خەمبار
مینا بەندەوارەکێ
پڕ وەستیایی
ل بن سیبەرا
ئازارێن خۆ
بێدەنگ و لڤین
دا بروینیتن؟!

ئەو ....
نە وەک چ مرۆڤا بوو ....؟!
عاشقەکێ سەیر بوو
چ قوڵاچا خەم لێ باریبان
دا وێ قوڵاچێ ژێگریتن و
کەتە جڤات کەتە ئەیوان و
دا ب تنێ ل گەل
بیرهاتنێن خۆ
مینا ساویلکەیەکێ
ڕێ لێ بەرزە
وێرێ کەتە خەمگەهو
دا خوزيێن خۆ لێ بچینیتن؟!

دێمێ وی ژی یێ جوان و
دویر ژ کەرب و کین و نیفاقێ
ب ساڵا خۆدیک نەدیت و
بەردەوام ڕوندکێن کەل
ڕۆکێن وی هەمبێز دکرن
شادی ژی قەد نەدشییا
ل جڤاتا وی یا خەمناک
دادەت و بمینینتن؟!

ژ بەر ئازارێن خەریبیێ
چاڤێن وی یێن پڕی شەوق
دناڤ سەری دا زیق ببوون
أاگرێ عشقا وی یا
ژ شێتیێ ژی دەربازکری
وەک شانوگەریەکا تڕاژیدی
بۆ وی ئالیێ
خەم ژێ بارین
دا هێدی هێدی چیتن؟!

ئەڤ تابلویە
ژ دیرڤە بۆ بینەران
جوان دهاتە پێشاندان
لێ ناڤەڕۆک
رۆمانەک پڕ
خەمێن خۆڤەدز بوو
لێ .....
ب تنێ ب چاڤێن
وەفادار و بەندەواران
چاڤێن عاشق و
دلنازک و خەمباران
ب دروستی وڕوهنی
ڕەنگ و ناڤەڕۆک
د هاتنە دیتن؟!