Kurd Diaspora
دیمەنێن بریندار و زارۆکێن جەنگێ
دێمێ وێ کچا جوانا بێگونەھ وەکی ڕوناهیا ڕوژێ یا هەر سپێدەهی د سەرمەدا د هەلیت ژ پێش چاڤێن وی ناچیت، یانژی ئەو کورێ د چاڤێن ویدا ترس یا گازی دکەت و بوی ڕەنگی تەماشەی وی دکەت هەروەکی دێ گەلەک دەم چیت تاکو ئەو وی بێگونەهی رازی بکەت، کو ئەو نە ئەو دوژمنێ بێ وژدانە، یانژی دەنگێ گرییا وێ دایکێ یا دناڤ خەمێن برسیبوونا کورێ خوەیێ ئێک هەیڤیدا خەندقی و ڕەنگ لێ نەمای، یانژی ئەو کچێن وان درندا خێزان ل پێش چاڤان گولە باران کرین و هێلاینە بێی کەسوکار یانژی، دل خوە لبەر دیتنا وان دیمەنان ناگریت، هزرێن وی ب دیتنا دیمەنان شێلی دبوون، بلەز بەرەڤ زارۆکان چوو، و ژبو دلخوشکرنا وان مایکەک ژ کارتونێ دروست کر، و لوان جهان نێزیک بوو یێن کو زارۆکان یاری لێدکرن ب وان بەرێن پەرش و بەڵاڤ بوین، ژ ئەگەرێ هێرشا وان گولەیێن بوینە ئەگەرێ هەرفینا وان خانیێن جوان و سادەیێن وی خەلکی ب دلەکێ خوش ئەو ئاڤاکربوون، ئەوێ کچا جوانا تەماشەی وێ کێلەستوینا ڕەنگا و ڕەنگ کری یا کو ژ حەفت ڕەنگان پێکدهێت ژ ئەگەرێ باران بارینا وەرزی باڵا وی بو خوە ڕاکێشا، خوە نێزیکێ وان کر و گوتێ: سلاڤ ئەز عەگیدم هەڤالان، کچکا جوان ژبەر کارتێکرنا وێ ب تەماشەکرنا وێ کێلەستوینا ڕەنگا و ڕەنگ ب دلخوشی و ب پەرووشیڤە بەرسڤدا و گوت: ئەم دباشین، لدەمێ ئەو مایکا کارتونی دیتی هوسا هزرکر کو ئەو کەسە یێ وان ڤیدیو دکەت ئێکسەر گوت: ئەم گەلەک دباشین، ئەوی زانی کو ب وی ڕەنگی ڤیانا وەڵاتی ددلێ واندا چەسپییە کو هەتا کولکەک ژی ل تاخی مابیت ئەو وارێ خو بەرنادەن، عەگیدی ب دلخوشیڤە پرسیارا ناڤێن وانکر لدویڤدا بێی کو هزر بکەت کو باهوزەکا بهێز دێ بەرەڤ ویڤە هێت، ژ ئەنجامێ پرسیارا دویڤدا یا کو ئەو دێکەت و گوتی: هەوە دڤێت ل پاشەروژێ ببنە چ؟ خودانێ چاڤێن تژی ڕوندک و دێمێ تێر ژ ترسێ ب تبلا د دەڤیدا لەقدای گوت: من دڤێت ببمە نوشدار، کچا جوان و بێگونەھ گوت: من ژی دڤێت ببمە نوشدار، عەگید ب بەرسڤێن وان مەندەهوش بوو برێژەکا زۆر کارێ نوشداریێ دڤیا و بەرسڤا هەمییان ژی بو پەیڤا بوچی ئەو بو چونکی وان دڤیا چارەسەرییا نەخوشان و بریندارێن شەری بکەن ژ خێزان و کەس و کارێن خوە، عەگیدی خاترا خو ژ وان خواست و گوتە وان: بهیڤییا هندێ ڕوژەکێ هەوە ببینم نوشدارێن زیرەک و ژێهاتی، پشتی بەلاڤکرنا هاریکارییان لسەر خێزانێن ڕەڤین ژ جەنگی شەڤێ جهێ ڕوژێ گرت و تاری بسەر واندا هات ڕێڤەبەری دەست خوشی ل هەمی ئەنداما کر، و دەمێ بهێنڤەدانێ هات….
ڕۆژەکا نوی و هیوایێن زیندیکری
دگەل ئەلندێ دەنگێ زەنگا هشیارکرنێ ئەو ژوێ خەوا گران راکرن، وی پەردا وێ چادرا دبنڤە نڤستی ڤەدا، و بو وی دیاربو کو ئەو گیروترین کەسە بلەز وی خو بەرهەڤکر لگەل گوهلێبوونا دەنگێ ڕێڤەبەرێ وان لدەمێ د گوتی: بەرنامێ مە یێ ئەڤرو دێ ئێک ژ تاخێن ڤی باژێری بیت، کو وەکی مە گوهلێبووی بڕێژەکا زۆر خەلک لێ بێی مال ماینە، عەگید لبەری کو بەرەڤ باژێری بچیت مایکا خو یا ژ کارتونێ چێکری کرە دچانتا خودا و گوت: بو چاڤپێکەفتنێ دگەل هندەک نوشدارێن دی یێن پاشەروژێ.
comments (0)
No comments yet