ئەو پەیڤا بلند بژاندی
یا ب دەستویریا پیتێن
ناڤێ تە وەشاندی
ب ئاشێ دەمی نەهێرە
ژ وێ هاویشبوونێ هۆشیارببە
خەوێ چاڤێن ترسێ نەگرتینە

هەڤپەیڤینا دگەل پەیڤێ
ب رۆژێن تژی سەربۆر
ب دۆرهێلەکێ تاری نەڤەژینە
داکو پەیڤ نەبنە بارۆڤە و لەهی
لپەی هەموو زاراڤێن شرین

ب پەیڤا کاکل و هنگڤین
هەمی پیتێن ناڤێ تە دجەمینیت و
ب کۆکا تێر ڕەنگین دخەملینیت
سەر هەموو خالێن دلداریێ دپەشینیت

باوەرناکەم ل شوونوارێن مە
عەشق لێ چاندی هیڤی لێ ئاڤداین
ب ساناهی بیرهاتن لێ وەغەرکەن
بلا مژا بازنێ شەڤێ ل ئۆمێدێن نۆژکری نەهەلێت

مەشا سپێدەیا
یا ل هاڤیبوونا شەوقا
وێ دگەریت
ئەز ژی نە سەفەرەکا بێ سەربۆرم
دا ل کەڤنەشۆپێن تە بگەرم