چاڤەڕێ بووم
لێ نەهاتی
هزرێت من
مینا باژێرەکێ بەر دریایی یێن بەلاڤبوین
کەڤلۆژانکێ هیڤیێن من یێن ڤەگرتین
سەرێ ئێڤاریێن من ژی
ل سەر ملێن وان ئێن شوربوین
هەناسێن من ژی
دناڤ گەرماتیا ڕۆندکێن خۆدا یێن د سوژن
شەڤێن من د غەریبیا عەشقا تە دا یێن د فەتسن
دلێ من ژ لێدانێن خۆ ب شادبوون ب دیدارا تە بلەزترن
ژ زارۆیەکێ دایک نە دیتی غەریب ترە
ژ پیرەکالەکێ بێ دەست و لەپ و گاف شەبرزە ترە

چاڤەڕێ مە
نوبەدارێ یەلدایێ مە
ڕێڤینگێ ڕێیا تە مە
هزر یێ ژ هەسارا دکەڤن
هندەک دناڤ جادەیێن سەرێ من دا یێ دغولغولن
هندەک یێ دلێ من دگڤێشن
هند یێ ڕۆندکا ژ چاڤێن من درێژن
سەر هندی ڕا یێ ل جڤاتا وان د گرنژم
دا تاریاتیێن شەڤێن خۆ ژ ڕوناهیا عەشقا تە شیرڤە بکەم
پیرە یادێت خۆ ب نڤینم
ڕۆندکێن خۆ ژبیرڤە ببەم
پاشی دێ گازی وی بای کەم
یێ جاران باهین ل بەر دلێ تە ددان
دا بێ هیڤیبوونێ پاشڤە بزڤرینم

دێ بزڤڕە
دگەل ئێکەم دیدارا من ب ڕوینە
دەما تە عەشق دناڤ دلێ خۆ دا حەواندی
و ل بهارا خەونێن من چەراندی
و ل بهارا دلێ من ئافراندی
وی دەمی ل وەستیکا بووم
یێ بێ زمان و هێش و خەم بووم
دناڤ جڤادا خەونێن خۆدا سور گولا بهارێ بووم
ژ وی دەمێ تە یاری ب هەستێن ڕۆژێ کرین
حەژ بارانێ کری
گازی ڕۆندکێن بای کری
ئەزو ڕۆندکێن بارانێ
مینا بەفرو هەتاڤێ لێ هات بووین
ئەم ڤێک کەفتبووین
لێ ڕاستی دبن پێ کەفتبوو
بەفرو هەتاڤ
بون دلۆپەک ژ دەریایێ ڤێ ڕاستیێ
و ژ دێم و چاڤێن تە بەهیبوو
من ژی بخۆ ڤەگرت بوو
دناڤ دەستێت خۆ دا هەلگرتبوو
حەژێ کربوو.